ပျက်ပြီးမှ ပြန်ကောင်းမယ့် နိုင်ငံ
ပျက်ပြီးမှ ပြန်ကောင်းမယ့် နိုင်ငံ ဒီနိုင်ငံဟာ ပျက်ပြီးမှ ပြန်ကောင်းမယ့် နိုင်ငံဖြစ်တယ်။ ပြင်လို့ မရဘူး။ ပြင်လို့ရတဲ့ အခြေအနေက လွန်ခဲ့ပြီ။ ၁၉၈၈ တုံးက ပြည်သူတွေက ပြင်ဖို့ ကြိုးစားခဲ့တယ်။ အထမမြောက်ဘူး။ ပြင်မယ့် လူတွေကို သ/တ်ပစ်တယ်။ အခုတော့ ပြင်မရ ဖျက်ပစ်ရတော့မယ်။ ဒီနိုင်ငံဟာ ခြစားနေတဲ့ အိမ်စုတ်ကြီးနဲ့ တူတယ်။ ဘယ်ဌာန ဘယ်ကိစ္စ ဘယ်အရေးမှာ ကြည့်ကြည့် ခြစားနေတယ်။ ခြစားနေတဲ့ တိုင်ကြီး ၄ တိုင်ဟာ ပြင်မရတော့ဘူး။ ခေါင်မိုးကလည်း ပေါက်ပြဲနေပြီ။ ကြမ်းခင်းကလည်း မရှိတော့ဘူး။ အကာမှာ .. ခြကောင်တွေ အသိုက်ဖွဲ့နေတာ။ ဒီအိမ်ကြီးကို ဖြိုချပြီး အသစ်ဆောက်မှပဲရမယ်။ ပြန်သုံးလို့ရတာ သိပ်မကျန်ဘူး။ စစ်တပ်၊ တရားရုံး၊ အုပ်ချုပ်ရေး ဌာနအသီးသီးကို ဝင်ရောက်လာတဲ့ ပြည်သူ့ဝန်ထမ်းဟာ ပြည်သူ့ဝန်ထမ်းချင်လို့ မဟုတ်ဘူး။ ဂွင်ဖန်ဖို့ ဝင်ကြတာ။ မဝင်ခင်ထဲက လာဘ်စားဖို့ ကြံပြီးသား။ ခြတွေ ... ခြတွေ။ စစ်တပ်ထဲဝင်လာသူတွေထဲမှာ စစ်သားတကယ်လုပ်ချင်သူကို လက်ချိုးရေလို့ရတယ်။ ခု CDM စစ်သားတွေက အဲဒီအုပ်စု။ ကျန်တာ ၂ မျိုးပဲရှိတယ်။ နဝတ-နအဖ ခေတ်က မိုးကျရွှေကိုယ်တွေ ချမ်းသာကြတာကို အားကျပြီး ငါ့အလှည့် အာဏာသိမ်း ရင် ဝါးမယ် ဆိုတဲ့ အတ္တသမားတွေနဲ့ တေလေဂျပိုး